11:58 AM
ខម៉ាំជាម្ហូបមួយប្រភេទដែលប្រិយមិត្តភាគច្រើនយល់ថាប្លែក ព្រោះមិនសូវដែលបានលឺ នឹងមិនដែលសាកភ្លក់រស់ជាតិពីមុនមក។ ប៉ុន្តែថ្ងៃនេះ វេបសាយកសិករ នឹងធ្វើការបង្ហាញពីវិធីធ្វើឲ្យប្រិយមិត្តបានស្គាល់គ្រប់ៗគ្នា។
+ គ្រឿងផ្សំ
- ត្រីពោ ៤០០ក្រាមកាត់ជាកង់ៗ
- សាច់ជ្រូក៣ជាន់ ៣០០ក្រាមហាន់ឲ្យតូចល្មម
- ម៉ាំត្រីរស់ចិញ្ច្រាំ ១ស្លាបព្រាបាយកន្លះ
- ខ្ទឹមស ៤កំពឹសចិញ្ច្រាំ
- ស្ករត្នោត កន្លះស្លាបព្រាបាយ
- ប៊ីចេង ១ស្លាបព្រាកាហ្វេ
- ត្រប់វែង ១ផ្លែកាត់ប្រវែង៣ថ្នាំងដៃ
- ប្រេងឆា ៣ស្លាបព្រាបាយ
- ជី និងបន្លែ គ្រប់មុខ (ញ៉ាំផ្ទាប់) ជីអង្កាម, ស្បៃរឿង, ផ្កាស្នោ, ព្រលិត, ដើមចេក ហាន់ ឬបេះឲ្យស្អាត អាចថែមបន្លែបានដូចទៅនិងនំបញ្ចុកដែរ
+ វិធីធ្វើ
១. ដំបូងដាក់ប្រេងឆាចូលក្នុងឆ្នាំង ពេកក្តៅដាក់ខ្ទឹមសចូលឆាឲ្យឈ្ងុយដាក់ម៉ាំឆាជាមួយ បន្ទាប់មកដាក់សាច់ជ្រូកបីជាន់កូរច្របល់បញ្ចូលគ្នាមួយភ្លេតសិន។
២. បន្ទាប់ពីនោះមកដាក់ស្ករត្នោត និងប៊ីចេងកូរបញ្ចូលគ្នាទាំងអស់គ្របទុកឲ្យពុះ។
៣. ពេលដែលពុះហើយកូរពីរទៅបីត្រប់ដាក់ត្រប់វែងចូលកូរបន្តិចទៀតបន្ថែមទឹកចូល (កុំឲ្យលិច) ទុកឲ្យត្រប់រាងទន់។
៤. ដាក់ត្រីចូលរួចហើយកូរថើរៗដើម្បីកុំឲ្យបែកសាច់ត្រីរួចហើយគ្របទុកឲ្យពុះភ្លក់មើលតាមការចូលចិត្តជាការស្រេច៕
No comments
Post a Comment